A Weekend Guide to Adalar – Istanbul Ar
اخر مرة رحت على جزيرة بيوك اذا او المعروفة بجزيرة الاميرات كانت بـ2016
وقتها ما حبيتها من كثر الزحمة وريحة الاحصنة والهوسة اللي بيها
وكان التور نفتر شوية بالجزيرة وبعدها نتغدى بمطعم سمك ونرجع وكلش ما اتونست
ومن يومها ماوصلت ابدا لبيوك ادا وكنت بالصيف اذا اريد اروح لمكان فاختار الجزر الثلاثة اللي قبلها كونها اهدئ واصغر والزحمة بيها اخف بهواية
بس هالمرة قررت ارجع اروحلها خصوصا بعد دعوة احد متابعيني على الانستقرام وهو صاحب كافيه هناك لزيارة الجزيرة والتجول بها
اذا كنت ما متابعيني على الانستقرام ففاتك الكثير ، تابع رحلاتي وتغطياتي هنا
شلون وصلت لجزيرة الاميرات او بيوك ادا؟
موجود الكثير من البواخر اللي تنطلق باوقات مختلفة تبدي من السادسة صباحا ولغاية الثامنة مساءا ومن عدة محطات في اسطنبول الاوروبية والاسيوية
لمعرفة الاوقات والمحطات من موقع الشركة المسؤولة عن البواخر اضغط هنا
تتوقف الباخرة بعد انطلاقها من اسطنبول بالجزر الاربعة وهي بالتسلسل
كينالي ادا Kinaliada
برغاز ادا Burgazada
هايبلي ادا Heybaliada
بيوك ادا Buyukada
بهذا البوست رح اشارككم معلومات عن بيوك ادا وشلون ممكن تقضون بها عطلة نهاية الاسبوع
وين نروح وشنو الفعاليات اللي نسويها
شنو افضل الفنادق وشلون نحجزها؟
شنو الاماكن اللي نزورها ببيوك ادا؟
- Aya Yorgi Church كنيسة
- Islands Museum متحف الجزيرة
- Prinkipo Greek Orthodox ORphanage ميتم الارثودوكس
- Ada Beach ساحل ادا للسباحة
كيف التنقل في الجزيرة؟
الجزيرة خالية من السيارات والتنقل فيها اما مشيا أو بالبايسكل أو تأجير التكسي الكهربائي أو الباصات الكهربائية
بخصوص الباصات الكهربائية اللي ماصارلها زمان من توفرت بالجزيرة موجودة محطتها الرئيسية بساحة الجزيرة قريب الساعة
الدفع بكارت مواصلات اسطنبول نفسه
السعر للمرة الواحدة 12 ليرة
موجود عدة محطات توقف بيها الباصات وموجود اكثر من خط
تأكدوا من المكان اللي تريدون تروحلوه من جوجل ماب رح يطلع رقم الباص اللي يفوت على المنطقة او قريب منها
الفنادق
موجود عدد لا بأس به من الفنادق وباسعار مختلفة ومستويات مختلفة
تقدرون تشوفون الاسعار وتقييم الفندق من موقع بوكنك
Air bnb أو ممكن تاجرون شقة عن طريق
وهم الاسعار مختلفة حسب الموسم وتقييم الشقة والاطلالة وموقعها وخدماتها
بالنسبة الي افضل الفندق لان خدماته اكثر وخصوصا الاقامة لفترة مو طويلة
ضروري تقرون تقييمات والتعليقات على المكان اللي تريدون تحجزون به قبل لاتحجزون
ممكن تتواصلون مع فريق سفراجو اذا حبيتوا نساعدكم بالحجز
كم يوم كافي للجزيرة؟
ممكن يوم واحد واذا كنت تحب تستكشف كل اماكنها وتتجول بيها فيومين الى ثلاثة ايام
خصوصا مع فصل الصيف رح تستمتع بالسباحة والتجول ليلا بالجزيرة
بموسم الصيف، الجزيرة تكون جدا مزدحمة خلال عطلة نهاية الاسبوع وحتى اسعار الفنادق والشقق تغلى
بس تبقى خيار حلو لقضاء عطلة نهاية اسبوع لطيفة
كتبولي تعليقاتكم على الموضوع وشاركوني برأيكم
